Mu mpera z’iki Cyumweru, hateganyijwe imikino y’umunsi wa Cumi wa shampiyona y’icyiciro cya mbere y’umupira w’amaguru, ubuyobozi bw’ikipe ya Muhazi United yo mu ntara y’i Burasirazuba, bukaba bwateguje ikipe ya APR FC gutsindwa ikazisiga amanota muri Ngoma.
Muhazi United ikaba zaba yakiriye APR FC kuri Stade ya Ngoma, ku Cyumweru tariki ya 5 Ugushyingo 2023 Saa Cyenda n’igice z’amanywa.
Mu korohereza abakunzi ba Muhazi, ubuyobozi bw’iyi kipe bwatangaje ko ibiciro byo kwinjira ari ibihumbi 2 Frw ahasigaye hose, ibihumbi 3 Frw ahatwikiriye n’ibihumbi 5 Frw mu myanya y’Icyubahiro.
Ubuyobozi bwatangaje ko ibi biciro, bizakurikizwa mbere y’umukino ariko ku munsi w’umukino, itike yo mu Cyubahiro izava ku bihumbi 5 Frw ikajya ku bihumbi 10 Frw.
Kugura iyi tike bisaba guca mu nzira ya *929*3*1# ugakurikiriza amabwiriza.
INKURU YANDITSWE NA IHIRWE Chris
